1. Ngā Whānga – Te Taenga
Ka tae mai a Mārama ki te kāinga o te whānau Whānga.
Ngā whakamārama – Mihi; ko wai tō ingoa; e Pita; e hoa; nō hea koe?; kei hea tō kāinga?; te tatau 1-10; hongi.
2. Ngā Whānga – Te Whakaora
Ka haere a Mārama rāua ko Rāwiri ki tātahi.
Ngā whakamārama – tūwāhi (roto, runga, waho, raro); tūkapi (au, koe, ia me ētahi atu); ngā tuna.
3. Ngā Whānga – Ngā Tauira
Ka haere a Aroha rāua ko Rāwiri ki te Whare Wānanga.
Ngā whakamārama – Te tatau 20-100; nā wai ... i...?; nāku, nāu, nāna; mai, atu, iho, ake; ngā kākahu o neherā me te harakeke.
4. Ngā Whānga – Hī Ika
He raruraru ō Kēri rāua ko Hone i te haere ki te hī ika.
Ngā whakamārama – Te tāima; ngā pūmahi me ngā tūmahi; ingoa rohe; Te Ahurei a Tūhoe.
5. Ngā Whānga – Te Hākari
Ka pakaru te mīhini horoi kākahu, ā, ka haria ngā kākahu paruparu e Rāwiri rāua ko Mārama ki te whare horoi kākahu.
Ngā whakamārama – Ngā marama o te tau; whakakāhore me ngā tūmahi; ingoa wāhi; ngā kai.
6. Ngā Whānga – Te Wāhi Horoi
E aroha ana a Rāwiri ki a Hana.
Ngā whakamārama – Ngā ingoa maunga; pūmau (tōku, tāku me ētahi atu); ‘a’ me ‘o’; ngā manu māori; Taranaki.
7. Ngā Whānga – Te Tākaro
Ka haere te whānau ki te pūrei pāpaoro.
Ngā whakamārama – Ngā wāhanga o te tinana; mā wai ...?, māku/mōku, māu/mōu, māna/mōna; ngā wāhanga o te upoko; te wharenui o Mātaatua.
8. Ngā Whānga – Te Hokohoko
Ka hokona te ipu tawhito a Aroha e Mārama.
Ngā whakamārama – Ngā tai; ngā whakahau me ‘e’; ngā whakahau me ‘mai, atu, iho’ me ‘ake’; ngā whakahau me ngā kūmuri hāngū; ngā whakahau me ‘kia’; ngā kupu mō ngā kai; Tauranga Moana me ngā ingoa.
9. Ngā Whānga – Te Kaitiaki
Ka tiaki a Rāwiri i te pēpi, ā, ka haere ai ia ki te whakataetae.
Ngā whakamārama – kūmuri hāngū; ingoa ika; Taranaki maunga.
10. Ngā Whānga – Hui
Ka tae mai a Miriama Smith, te wahine rongonui, ki te tohutohu i a Mārama me tana tīma ki te purei netipaoro.
Ngā whakamārama – Ngā wāhanga o te wharenui; ngā momo rerenga kōrero; ngā ingoa mō ngā taputapu o te whare; te wharepuni o Hinemihi.
11. Ngā Whānga – Te Tangihanga
Ka haere a Aroha mā ki te tangihanga.
Ngā whakamārama – Ngā ingoa rākau; taea; ngā whakakāhore me ‘taea’; ingoa kākahu; tangihanga.
12. Ngā Whānga – Te Korowha
Ka hīkoi haere a Aroha rāua ko Mārama i roto i te ngahere i a Hone rāua ko Kēri e purei korowha ana.
Ngā whakamārama – Ngā kupu mō te āhua o te rangi; kei a wai?; i a wai?; taku, tō, tana, aku ō, ana; ngā wāhanga o te tau; ngā wāhine.
13. Ngā Whānga – Te Hāngī
Nā Hone a Mārama i whakaako ki te mahi hāngī, ā, nāna anō hoki a Mārama i hari ki te pahi ki te hoki ki te hau kāinga.
Ngā whakamārama – Ngā kupu mō ngā tākaro; nō wai/nā wai?; ngā kupu mō ngā kai; ngā kaihautū Māori.
He whakamārama
Kua mahia ngā whakaaturanga o tēnei hōtaka mā ngā ākonga kātahi anō ka tīmata ki te ako i te reo hei whakapakari i ngā pūkenga whakarongo. Kei te tāone te horopaki o ngā wāhanga o te pūrākau, ā, he reo ōpaki te āhua o te reo. E hāngai ana ngā kōrero me ngā whakamārama ki te pukapuka matua, ki te pukapuka tātaki, ki ngā kōpae me ngā rokiroki o Te Whanake 1 Te Kākano. Ka whai hua te mātakitaki i ngā wāhanga o te pūrākau mehemea kua mōhio kē te akonga ki ētahi āhuatanga o te reo Māori. He kōrero anō kei ia whakaaturanga mō ētahi āhuatanga o te reo me ētahi tikanga Māori.
Ka tūtaki koe i te whānau Whānga. Ka noho a Rāwiri i te kāinga o ōna mātua, o Hone rāua ko Kēri, me tōna tīpuna, me Aroha. Ka tae mai a Mārama ki tō rātou kāinga noho ai.
